Мінімальную зарплату ў Беларусі плануюць павысіць у 2021 годзе да Br400

Рост зарплаты работнікаў бюджэтнай сферы ва ўсіх галінах прадугледжваецца ў 2021 годзе на ўзроўні 105,4 працэнта да 2020 года ў сярэднегадавым вылічэнні.

Фонд аплаты працы ў бюджэтным сектары запланаваны зыходзячы з двухэтапнага павышэння. На першым этапе (з 1 студзеня 2021 года) базавая стаўка для аплаты працы бюджэтнікаў вырасце да Br195, на другім этапе (па меры выхаду на мэтавы сцэнарый) прадугледжана дадатковае павышэнне аплаты працы работнікаў бюджэтнай сферы.

У апераджальным парадку прадугледжваецца павелічэнне заработнай платы нізкааплатных катэгорый работнікаў адукацыі (выхавальнікаў і памочнікаў выхавальнікаў дашкольнай адукацыі), культуры (работнікаў бібліятэк, музеяў, клубаў) і сацыяльнай.

З улікам гэтых падыходаў фонд аплаты працы бюджэтнага сектара (з адлічэннямі) на 2021 год ацэньваецца ў суме Br16,5 млрд.