Версия для печати
Размер шрифта:
Фото
Печатать

Зварот старшыні Мастоўскага раённага выканаўчага камітэта Ю.М. Валеватага да жыхароў Мастоўскага раёна

19.08.2024
Зварот старшыні Мастоўскага раённага выканаўчага камітэта Ю.М. Валеватага да жыхароў Мастоўскага раёна
Паважаныя жыхары Мастоўскага раёна!

У згодзе мы жылі на працягу ўсяго часу з моманту набыцця незалежнасці Рэспублікай Беларусь. Мы заўсёды шанавалі мір і спакой на нашай зямлі. У перыяд станаўлення суверэннай і незалежнай Беларусі мы РАЗАМ прайшлі нялёгкі шлях. Кожны з ВАС сваёй працай унёс свой уклад у развіццё і росквіт нашага раёна і Беларусі.
Толькі за апошняе дзесяцігоддзе ў Мастоўскім раёне пабудаваны новы крухмальны завод. Праведзена мадэрнізацыя нашага галоўнага прадпрыемства ААТ «Мастаўдрэў», якасць прадукцыі, што вырабляецца адпавядае патрабаванням міжнародных стандартаў. На сённяшні дзень гэта адзіны ў Беларусі вытворца шырокафарматнай фанеры.
Свой уклад у развіццё раёна ўносяць работнікі сельскагаспадарчых прадпрыемстваў, сялянскія (фермерскія) гаспадаркі, працай якіх забяспечваецца харчовая бяспека.
Будуюцца новыя жылыя дамы, абнаўляюцца ўстановы адукацыі і аховы здароўя, культуры, пачаў працаваць фізкультурна-аздараўленчы комплекс «Прынёманскі».
Усяго гэтага мы дасягнулі з вамі разам, за кожным вынікам стаіць праца рабочага, селяніна, фермера, будаўніка, лекара, настаўніка, работніка культуры, індывідуальнага прадпрымальніка. 
Усіх нас аб'ядноўвае любоў да нашага агульнага дому, удзел у яго лёсе. 
За мінулы тыдзень мы назіраем спробы дэстабілізаваць сітуацыю ў нашай краіне, падзяліць грамадства на сваіх і чужых. Работнікаў прадпрыемстваў заклікаюць выходзіць на забастоўкі. Аднак, спыненне работы прадпрыемстваў - гэта сур'ёзны ўдар па эканоміцы Беларусі, эканоміцы нашага раёна. Гэта ўдар па людзях старэйшага пакалення, работнікам прадпрыемстваў і арганізацый, жанчынам, якія знаходзяцца ў адпачынку па догляду за дзіцем, людзям з абмежаванымі магчымасцямі, якім неабходна плаціць пенсіі, заработную плату і дапамогі.
Заклікаю ВАС, паважаныя жыхары Мастоўскага раёна, не рушыць ўласнымі рукамі ўсё тое, што было створана за гады незалежнасці нашай краіны.
Праявіце стрыманасць і будзьце разважлівым! 
Не рабіце неабдуманых дзеянняў, якія могуць нанесці шкоду як вам, так і грамадству ў цэлым. 
МЫ РАЗАМ павінны захаваць мір і спакой для нас і нашых дзяцей.
Шлях эскалацыі і варожасці ў грамадстве - гэта НЕ НАШ ШЛЯХ! Давайце скажам НЕ разбурэнням, злосці і гвалту! 
Нам жыць на гэтай зямлі і будаваць нашу будучыню РАЗАМ!
Я хачу, каб на нашай цудоўнай Мастоўшчыне быў мір, каб людзі розных поглядаў слухалі і чулі адзін аднаго, і заставаліся адзіным НАРОДАМ - БЕЛАРУСАМІ!

© Мастоўскi раённы выканаўчы камітэт, 2024.